ხატოვანი მოტივაციები /ლიტერატურულ-შემეცნებითი ჟურნალი: марта 2024

სეირთა ქაოსში... /მორიგი პუბლიცისტური შენიშვნა/

„-სიცოცხლე, ოკენეში გადაგდებულ, თავდალუქულ ბოთლში ჩადებულ წერილსა ჰგავს…
-ეგეც შანსია!“

ამგვარად წავუმძღვარე , თითქმის, სამი ათეული წლის წინათ გამოქვეყნებულ, ჩემს ერთერთ რომანს...

ვიმედოვნებ, მასში ჩაქსოვილ ქარაგმის მოტივს, გულისხმიერი მკითხველი მიმიხვდა.

ვფიქრობ, ჩვენს ყოფიერებაში არსებულ, მრავალ საჭირბოროტო საკითხთა გარშემო წამოჭრილ თვალსაზრისთა „ბედი და იღბალი“ ამგვარ „შანსის“ მოლოდინშია...

...

ისე გამოვიდა, რომ ახლახან, ახალი რომანის (კაშკაშა ფრინველი /სათავგადასავლო რომანი) ტექსტების აკრეფა სპონტანურად დავიწყე, სადარდებელმა, უშნოდ, რომ არ მიყელოს მეთქი, და ჩემეულ „ბლოგთა კრებულის“ გვერდებზე შევუდექი მათ პუბლიკაციას;

წიგნად გამოცემას, ალბათ, ვერ შევძლებ... ორიოდე წლის წინათ, აკრეფილი ტექსტების კრებულად შეკვრა და გამოცემა, კი მოვახერხე მცირე ტირაჟით, მაგრამ იმ მცირედის, ბიბლიოთეკებში შეტანაც ვერ მოხერხდა...

ზოგის, წიგნი სახელმწიფო ბიუჯეტიდან ფინანსდება, (კულტურის სამინისტრო, თავისებურად ავლენს გამოსაცემად მოწონებულ ტექსტებს), რაც მისასალმებელია, მაგრამ, პირადად მე, კიდევ ერთხელ განვმეორდები და გაგიმხელთ, ამგვარი „შეღავათის“ მოპოვება, ე. წ. თავისუფალ, დამოუკიდებელი საქართველოს ისტორიის მანძილზე; საგამომცემლო საქმის კურატორ მოხელეთა მიერ, არა და არ მერგო.

ამგვარად მოძულებული თუ არშემჩნეული შემოქმედისთვის, ამ მხრივ, ინტერნეტი, თავისი „სერვისებით“, მართლაც, რომ შველაა.

ქვეყნის დამოუკიდებლობის გარიჟრაჟზე, მოგეხსენებათ, ერთერთმა პირველმა დავაფუძნე, მართლაც, რომ დამოუკიდებელი გამომცემლობა „კიდევაც დაიზრდებიან“, რომელმაც, თავის დროზე, ბევრ პროფესიონალსა და დამწყებ ავტორს გაუმართა ხელი.... დარწმუნებული ვარ, ახლაც არიან მესვეურები... რომელთაგანც ზოგი გრანტებითაა „განებივრებული“, ზოგსაც, წიგნის ბაზრისადმი, საკუთარი ხედვა აქვს შემუშავებული და ახალბედა თუ „მივიწყებულ“ პროფესიონალს წიგნის გამოცემაში ეშველება...

მაგრამ, სამწუხაროდ, ინტერნეტში გამოქვეყნებული „დედნების“ მიმართ, ეგეთი „შეშველება“, არ ფიქსირდება. ინტერნეტსივრცეში, გამოქვეყნებულ ამ სახის ნიმუშებს კი, თვალსაჩინო სივრცე უჭირავს... (არამარტო ლექსებს, არამედ, პროზაულ ტექსტებსაც).

ამ მიმართებით, მე ჩემეულ ტექსტებსაც მოვიაზრებ, ანუ, იმის თქმა მინდა, რომ, ჩემეულ ბლოგებზე გამოქვეყნებულ ნაწარმოებებს; მათ შირის რომანებსაც, თუ ბლოგთა გვერდებზე განთავსებულ მრიცხველებზე აღნიშნულ მონაცემებს მივენდობით, საკმაო მკითხველი დაუგროვდა, ზოგი იტყვის, ყველა, ხომ არ კითხულობს, ზოგი ცნობისმოყვარებას იკმაყოფილებს; „ინფორმაციას‘ თვალი შეავლო და გავიდაო. კი ბატონო, ასეც მოსულა, მაგრამ ვინაც, თავისი განწყობა „მოწონებით“ დააფიქსირა, ის ხომ უტყუარი მკითხველია.. რაღამც, ვინმე ცნობილმა ლიტერატორმა, არ შეამჩნია, ან ამ „ცნობილების“ შემჩნევა–არშემჩნევაზე მისადაგებულმა საგამომცემლო სისტემამ ვერ მოიცალა, ამგვარი ტექსტის „დასაგემოვნებლად“, რა თქმა უნდა, ვერც მისი გამოცემით დაინტერესდება. მაგრამ, მთავარი ისაა, რომ ჩვენს საგამომცემდო სისტემაში, ამგვარი დაინტერესების „კულტურა“, არაა დანერგილი; ანუ გამომცემლები, ინტერნეტში ქართულ ენაზე გამოქვეყნებული ტექსტების წაკითხვასა და შეფასებას, ნაკლებად ცდილობენ... მით უფრო მათ წიგნად გამოცემას და მიუხედავად, ჩვენს საგამომცემლო უწყებებში ასულდგმულებული, „პროგრესული ხედვებისა“, რაც ძირითადად საზღვარგარეთ აპრობირებულ ავტორთა კრებულების გამოცემით განისაზღვრება, ჩვენეულ საგამომცემლო სტრუქტურები, ამ მხრივ, ჯერ კიდევ ბიუროკრატულ ლაგამსა ხრავს...

ისე კი ცნობისთვის რომანი ბუმბულის სახლი /რომანი/ ჯანრი გოგეშვილი | AT HOME FROM FEATHERING /Novel/ Janri Gogeshvili– წიგნად არაა გამოცემული

ჯანრი გოგეშვილი _ გაიღვიძე ეპიფიზ! /რომანი _ Джанри Гогешвили _ Эпифиз, проснись! /Роман _ Janri Gogeshvili _ Hey Pineal Gland, wake up! / A novel /სათავგადასავლო, სამეცნიერო ფანტასტიკა

სამწუხაროდ, ამ ბლოგზე მრიცხველი არ მქონია დაყენებული...

ცალკეულ ნოველბსა და მოთხრობებსაც, შესამჩნევი ნახვა და მოწონება აქვთ... წარმოიდგინეთ პიესებსაც...

უცნაურ ძიებათა არომატი (დრამა ირონიული ველით) / Ар...

ისე, რომან ჯანრი გოგეშვილი ’შეშლილთა" ტკბილი სულები” (რომანი)... სრული ვარიანტის გამოცემაც, ძალზე გამიხარდებოდა... ეეჰ...

ჰო, იმით დავიწყე, ისე გამოვიდა, რომ ახლახან, ახალი რომანის (კაშკაშა ფრინველი /სათავგადასავლო რომანი/) ტექსტების „ბლოგთა კრებულის“ გვერდებზე პუბლიკაცია, სპონტანურად დავიწყე, სადარდებელმა, უშნოდ, რომ არ მიყელოს მეთქი;