უცხოპლანეტელთა აგენტობა ბევრად პრესტიჟულია (ლუსტრაციის კანონის ალტერნატივა)

უცხოპლანეტელთა აგენტობა ბევრად პრესტიჟულია –იდეა, ჩემი მივიწყებული ფსევდონიმის გახსენებამ „შთამაგონა“. უფრო სწორად, იმ ფსევდონიმით დამოწმებულმა, 1998 წლის ნოემბერში, გაერთიანებული ერების გენერალური მდივნის მის აღმატებულება კოფი ანანისადმი, გაზთ გაკეთებულმა მიმართვამ, რომელშიც, ბატონ კოფის, დაბეჯითებით ვთავაზობდი, ლუსტრაციის კანონის ალტერნატივად, მედიასივცეში მობობოქრე „კოსმიური შეთქმულების“ ფააქტებზე შექმნილი ვერსია განეხილა.

მოგაწვდით უტყუარ ფაქტებსაც...

მწიგნობრულ-მისიონერული

გაზეთი

„...ნუ დაჰფარავ ჩემგან ცნებთა შენთა...“

/ საქმიანობის მიზნები _ სამშობლოს სიყვარულისა და მოქალაქეთა ნებიდან დასახული თავგანწირვის მზაობის განმტკიცება. /ფონდის არქივიდან /

 

დიახ, ჯერ კიდევ, გსულ საუკუნეში, სწორედ ამ გაზეთის მეშვეობით, შევეცადე, კაცობრიობა უცხოპლანეტელთა ძალმომრეობისგან დამეცვა, მაგრამ, როგორც ჩანს, მსოფლიოს „იდუმალი მთავრობა“, ამგვარ ინტრიგებში, გაეროს, არც არაფერს ეკითხებოდა, თუმც, ბატონ კოფის, განათლებულ, შავტუხა მდივანს, ისე ყინჩად ეჭირა თავი,  მეც კი გავბრიყვდი...

მაშ ასე:

ვიღაცისთვის რეალობა, თქვენთვის კი, -მხოლოდ გროტესკის სფეროდან

(ლუსტრაციის კანონის ალტერნატივა)

უპირველესად ბატონო კოფი გულითადად გისურვებთ წარმატებულ მოღვაწეობას და ამ მაღალი, საპატიო პოსტის სამერმისოდ შენარჩუნებას. რაც, ასე მთავარია, პირადად თქვენი ოჯახის, თქვენი სანათესაოსა და ხელქვეითა საკეთილდღეოდ.

დღევანდელობის სენი, ფითრივით, რომ მოდებია ჩვენს ყოფას და სულს გვხდის. რევოლუციების ფონზე აღმოცენებულ გაორებულთა ადაპტაციის დაუსრულებელი პროცესი გახლავთ. რაც, თავისთავად, მსოფლიო წესრიგის დამყარებას სრულ საშიშროებას უქმნის.

  ყოველივე კი, იმ „კოსმიური შეთქმულების“ კვალდაკვალ ვითარდება, რომლის არსებობის დამადასტურებელი ფაქტები. როგორც იქნა გამოქვეყნდა მსოფლიო პრესის ფურცლებზე.

საქმე ეხება უცხოპლანეტელებისა და აშშ-ს შორის დადებულ სრულიად საიდუმლო ხელშეკრულების (რასაც, როგორც ჩანს, ზოგი სხვა ქვეყნის, მსოფლიო ინტრიგებში კარგად გარკვეული წარმომადრენელიც შეუერთდა).

არსებული შეთანხმების საფუძველზე შეიქმნა ერთობლივი ბაზები, მოხდა ტექნოლოგიის გაცვლა, მაგრამ მალე ცნობილი გახდა, რომ უცხოპლანეტელები გვატყუებენ.

„მფრინავი თეფშების“ მიერ მოტაცებული ადამიანთა რიცხვი დღითი დღე მატულობს...

დოქტორ ჯოზეფ ჰაინეკის თქმით დედამიწის მკვიდრთა გარკვეულ ნაწილს ჩამონტაჟებული აქვს, რაღაც გადამცემი და უცხოპლანეტელები თავისებურად მანიპულირებენ ხალხის მასებით.

ჩვენი პლანეტის ამა თუ იმ ხელისუფალთა მიერ, სტუმრის სტატუსით შემკული „ჰუმანოიდები“, როგორც ჩანს ადამიანებს, გამალებით იყენებენ ჰორმონალური სეკრეციის მისაღ ებად. ატარებენ გენეტიკურ ექსპერიმენტებს.

თავიანთ ხომალდებზე, სპეცლაბორატორიებში გამოჰყავთ ჰიბრიდები.

დაფიქსირებულია როტაციული მოტაცების შემთხვევები, როდესაც მოტაცებულები, ამგვარ რამეებს, ბავშვობაში გადახდენილ გაბცდებთან აიგივებენ.

აღსანიშნავია რომ,  განმეორებითი მოტაცებები ხორციელდება „სპეცგადაცემების“ შესაცვლელად და ინდივიდის განვითარების შესასწავლად...

ბატონო კოფი, შეგახსენებთ, რომ ყოველივე ეს ხდება გაერთიანებული ერების ორგანიზაციის ცხვირწინ.

ესა თუ ის სახელმწიფო მოღვაწე სახალხოდ, თითქმის ყოველდღიურად აცხადებს, რომ ყოველგვარი კავშირი გაწყვიტა წარსულთან, მაგრამ, როგორც საქმის ვითარებიდან ჩანს, „უძრაობის ხანაში“ ჩამონტაჟებული გადამცემი, მჭიდროდ აქვს ტვინში ჩარჩენილი და ნებსით თუ უნებლით (შესაძლოა ქვეცნობიერად) , კვლავაც „ვერბოვშჩიკების“ მითითებებს ასრულებს...

უმორჩილესად გთხოვთ,  დაუყოვნებლივ გაერკვეთ საქმის ვითარებაში დეა მიიღოთ სასტიკი ზომები უცხოპლანეტელთა ვერაგული შემოტევების აღსაკვეთად.

უპირველესად კი, გამოაქვეყნოთ იმ ქვეყნების ხელისუფალთა სია, რომლებიც „უცხო ცივილიზაციებთან“ ასე უზრუნველად თანამშრომლობენ და მათ აგენტურა წარმოადგენენ ჩვენს პლანეტაზე.

პატივისცემით ჯაი გოგე

 დიახ, ამგვარად მოვაწერე ხელი, რათა განელ დიპლომატს , ბატონ კოფი ატა ანანს, თავისიანად შევეცანი, მაგრამ პასუხიც არ მაღირსა...

და ათწლეულების შემდეგ გასაიდუმლოებული პრობლემა, ჩვენს ქვყანას ზვავით დაატყდა თავს...

ამ გადასახედიდან ვფიქრობ, უცხოპლანეტელთა გავლენის აგენტის სტატუსის მოპოვება, ბევრად უფრო პრესტიჟულია, ვიდრე ბანალურ „უცხოურ აგენტებად“ დაშტამპვა...

ჰოდა, ნუ დააყოვნებთ...

ჰო, გვერდს ვერ ავუვლი; ფსევდონიმი ჯაი გოგე, მერმედ აღარ გამომიყენებია; ჰოდა, ახლა მოვიკვლიე, სახელი ჯაი ინდოეთსა და ბუტანში გვხდება, ერთი ორი საკმაოდ ცნობილი პიროვნებაა... ამგვარად, ფანტასტიკური ფილმების გმირებსაც ღირსებით უხმობენ, მაგრამ, მე მის ქართულ ფესვს ვარ მინდობილი.

 ჯაი

მესხ.

ჭაღი (ი. მაისურ.).

Source: ქართულ კილო-თქმათა სიტყვის კონა. წ. 1, 2. ღლონტი, ალექსანდრე. - თბილისი : განათლება, 1974

ჭაღი კი, ხატოვნად „ჩირაღდანთანც“ კია გაიგიავებული...

მაგარია, მერე მსგავს მიმართვებს შესაძლოა, ასეც მოვაწერო:

გოგე ჩირაღდანი

აქვე ბრაუზერში, ფილმი „ადამიანი ჩირაღდანი“ გამოსხლტა; იმედია, დამინდობთ...

ჯ.გ.

P.S.

უცხოპლანეტელთა გავლენის აგენტის სტატუსის მოპოვება, ბევრად უფრო პრესტიჟულია, ვიდრე ბანალურ „უცხოურ აგენტებად“ დაშტამპვა...

ჰოდა, ნუ დააყოვნებთ...

ბლოგთა კრებულის საძიებელი

The index

გადაფურცლეთ წიგნები და ჟურნალები... ჯანრი გოგეშვილი, _ Look through books and magazines... Janri gogeshvili

***

JANRI A GOGESHVILI (author) o n AuthorsDen

*

ჯანრი გოგეშვილი პროზა, პოეზია, ესსე (პუბლიცისტიკა), დრამატურგია, აუდიო-ვიდეო ... / Janri Gogeshvili Prose, Poetry, Essays, Articles, The drama, A-V

*

ლიტერატურულ-შემეცნებითი სივრცე… / Literary-cognitive space… (WordPress.com)
 *გადაფურცლეთ წიგნები და ჟურნალები… ჯანრი გოგეშვილი, _ Look through books and magazines… Janri gogeshvili 

 პოეზია *** ჯანრი გოგეშვილი / Poetry *** Janri Goge...

*იხილეთ პოეტური არეალი _პოეზია / Поэзия / poetry _ /კვანტური იმპულსები / Quantum pulses/ ჯ.გ. / Дж. Г. / J. G.

*

”ხატოვან აღქმათა ობსერვატორია”/ “Observatory of figurative perceptions “/მეცნიერთა, მწერალთა და ხელოვანთა ასოციაცია ¬/ Ассоциация учёных, писателей и художников// Association of Scientists, Writers and Artists ¬/
ცნობისთვის_”ხატოვან აღქმათა ობსერვატორიის” დღიურებიდან /არქეოლოგიური ხედვები დრო-სივრცის ლაბირინთებში /იუმორნარევი ესსე/

***

 . ***© გახსოვდეთ!.. 
”საავტორო უფლება” 

 

ყარამან ყანთელთა ფსიქოტიპები, ანუ „მხსნელთა“ მოვლინება... (პუბლიცისტური შენიშვნა)

 „მხსნელთა“ მოვლინება... (პუბლიცისტური შენიშვნა)

 აგერ ახლა, მორიგ პუბლიცისტურ შენიშვნაში, /„მიღრეკილი დიქტატურა“/პუბლიცისტური შენიშვნა/ განვითარებულ თხრობას მოჰყვა და გარკვეული თაობის ლიტერატურის მოყვართულთათვის ავღნიშნე _სახალისოდ მაინც, მოიძიეთ „შაურიანი წიგნები“... _  ქართულ ინტერნეტრნეტში, ამ მიმდინარების შესახებ, მრავლად და ნაირფერადაა მოთხრობილი; „საჭაშნიკოდ“ მხოლოდ ერთ მათგანი მოვიხმე: „შაურიანი ლიტერატურის“ ბრწყინვალება და სიღატაკე (ჯიმშერ რეხვიაშვილი), იქვე „ორაზროვნულად“ მივადევნე: ქრონიკულად ნუ შეიძულებთ, ქვეყანაზე უანგაროდ მოფიქრალ ქართველთა აზრს...

ოღონდ, ამ შემთხვევაში, ჩემი ყურადღება, იმან მიიქცია, რომ, იმჟამინდელ კითხვისმოყვარულ ქართველთა შორის, უზარმაზარი ინტერესით  სარგებლობდა... უმჯობესია, ერთ ამონარიდს მოვიხმობ: „ძველად ყველა ქართულ ოჯახში ,,ვეფხვის ტყაოსანთან'' ერთად ,,ყარამნიანის'' უზარმაზარი ხელთნაწერიც ინახებოდა (2500 გვერდიანი!) ,,მზითვის სიები" ხომ უყარამნიანოდ იშვიათი მოვლენა იყო! ამ წიგნს ერთნაირის ხალისით ეტანებოდა, როგორც დაბალი ხალხი ისე მაღალი საზოგადოება.“

არადა, მდაბიურად, რომ მოვუქციოთ: სად ,,ვეფხვის ტყაოსანი'' და სად ,,ყარამნიანი'', მაგრამ, ასრე არს „ადამიანის“ ბუნება, დროის „საქარავნო გზაზე“ მდარესაც, ისევე ცნობისმოყვარედ ეტანება, როგორც გენიალურს.

„ყარამანიანის“ ქართული „თავგადასავალი“ ამგვარია: იგი „ერეკლე მეორის სიძეს, სახელოვან სარდალს დავით ორბელიანს, რომელსაც კარგად სცოდნია სპარსული, ირანიდან ჩამოუტანია „ყარამანიანის“ სპარსული დედანი („დასთანე ყაჰრამანე ყათელი“ — „ყაჰრამან მკვლელის ამბავი“) და უთარგმნია 1762-74 წლებში. ქართული თარგმანი ზუსტია, განსხვავებებს ვარიანტული ხასიათი აქვს, ზოგჯერ გადმოღებულია ჩანართი ლექსები. „ყარამანიანი“, ისევე, როგორც ამ ტიპის სხვა სარაინდო თხზულებანი, მაღალი მხატვრული ღირსების არაა. სიუჟეტის დახლართულობა, ურიცხვი და ერთმანეთს მიმსგავსებული პერსონაჟები, ტრაფარეტული ტროპიკის სიჭარბე ერთფეროვნებას ანიჭებს ამ ძეგლს. მაგრამ იგი მაინც იპყრობს ყურადღებას სადა და ლექსიკურად საინტერესო, ცოცხალი სასაუბრო ენით, თხრობის უშუალობით, რეალისტურისა და ფანტასტიკურის ბუნებრივი შერწყმით. შემთხვევითი არ არის ის დიდი პოპულარობა, რომლითაც „ყარამანიანი“ სარგებლობდა საქართველოში. ტექსტი რამდენჯერმე გამოიცა იაფი წიგნაკების სახით“

თუმც, ანტონ ფურცელაძე (1838-1913), ბევრად მკაცრია; „ულოღიკოს ფსევდონიმით ,,ყარამნიანის'' შინაარს ,,დანჯღრეულ და გალაღებულ ოცნების სიზმარს ადარებს''. 13“

საუკუნეთა მანძილზე, ქართველთათვის „ვეფხისტყაოსანი“ ქართველთა ბიბლიასთან იქნა გაიგიავებული; „ყარამანიანიდან“ კი, ძირითადად, ამგვარი გამოთქმა შემორჩა: "შენც ახლა ყა­რა­მან ყან­თე­ლი არ მყავ­დე"

მაგრამ, „შაურიანი წიგნების“ ეპოქაში: „საკმარისი იყო სულგანაბულ მსმენელებს გაეგონათ ყარამნიანის მეტაფორა: ,,სეილან-ჯადო და ქალან-ჯადო ვეშაპებზე შესხდნენ და გველები მათრახებად დაიჭირეს'', ან-და მოესმინათ: ყარამანმა, ამ ას ოთხმოცდა ჩხრამეტი წყრთის სიმაღლის კაცმა, როგორ დაიკივლა, როგორ ასწია ,,ყაფის მთა'' და სამი დღის განმავლობაში როგორ ეჭირა ხელში ასე აწეული, რათა თავისი ლაშქარი ქვეშ გაეტარებინა, რომ მსმენელები ბავშვურ აღტაცემაში მოსულიყვნენ და საერთი ყიჟინა აეტეხათ.“

აქ კი, საყურადღბო ისაა, რომ ქართველთა, განსაკუთრებით „ყოჩებად“ მოვლენილ პოლიტიკოსთა ფსიქოლოგიაში, შიგადაშიგ ყარამან ყანთელის გროტესკულობა, ერისთვის საბედისწეროდ ვლინდება: ისინი, თავიანთ საარჩევნო დაპირებებში, აზარტულად აიტაცებენ, წლობით ჩახერგილ პრობლემებს და ერი და ბერი „სამშვიდობოს“ გაჰყავთ... ავანტიურისტული გათვლებით წყვეტენ სიღატაკის, ვერაგი მტერის მიერ, მიტაცებული მიწაწყლის დაბრუნების, ამჟამინდელ „გაევროპელებასთან“ შეუსაბამობაში მიჩეხილ, ეროვნული იდენტობის შენარჩუნებისთვის, გამიზნულ  „ქმედებებს“; თითქოს,  ,,ყაფის მთა'' ფანტასტიურ ყარამანივით, ხელში საიმედოდ ჰქონდეთ ატაცებული...

ამ ქვეყნის ამომრჩეველთა ნაწილი კი, ისევ და ისევ, მინდობილად ეიმედებიან „მხსნელთა“ მოვლინებას...

ჩემი მოკრძალებული განსჯით, წლობით „გორდიას კვანძად“, ქცეულ პრობლემებს, ასე, ერთბაშად, მართებულად, ვერც პოზიცია „დააცალკევებს“ და ვერც ოპოზიცია; მაკედონელევით ერთი დარტყმით გადაჭრა კი, ანუ „ხმლით და არა დიპლომატიით“ სხვაგვარ რესურსებს ითხოვს... ქვეყნის სამხედრო აღმავლობის, „უხმაუროდ“ გაძლიერებასთან ერთად, „ქართული გზის“ დაკვალიანება;  „ევროკავშირთან“, შეერთებულ შტატებთან მორიგება, ისევ, დიპლომატიური სვლებით გვერჩივნოს...

და მსოფლიოს „რეკონსტრუქციის“ მსვლელობისას, რუსეთის ამჟამინდელი „ხუნტა“,  ქართული სახელმწიფოს პარტნიორად, ვერაფრით, ვერ მოიაზრება,,

მთავარი კი, ისაა; ქართული პოლიტიკა ყარამან ყანთელთა ფსიქოტიპებით, პერმანენტულად არ უბერავდეს... და „აღტყინებულ მასების“ ყიჟინამც, მართალი აზრი, გამუდმებით არ წალეკოს...

ჯ.გ.

ბლოგთა კრებულის საძიებელი

The index

გადაფურცლეთ წიგნები და ჟურნალები... ჯანრი გოგეშვილი, _ Look through books and magazines... Janri gogeshvili

***

JANRI A GOGESHVILI (author) o n AuthorsDen

*

ჯანრი გოგეშვილი პროზა, პოეზია, ესსე (პუბლიცისტიკა), დრამატურგია, აუდიო-ვიდეო ... / Janri Gogeshvili Prose, Poetry, Essays, Articles, The drama, A-V

*

ლიტერატურულ-შემეცნებითი სივრცე… / Literary-cognitive space… (WordPress.com)
 *გადაფურცლეთ წიგნები და ჟურნალები… ჯანრი გოგეშვილი, _ Look through books and magazines… Janri gogeshvili 

 პოეზია *** ჯანრი გოგეშვილი / Poetry *** Janri Goge...

*იხილეთ პოეტური არეალი _პოეზია / Поэзия / poetry _ /კვანტური იმპულსები / Quantum pulses/ ჯ.გ. / Дж. Г. / J. G.

*

”ხატოვან აღქმათა ობსერვატორია”/ “Observatory of figurative perceptions “/მეცნიერთა, მწერალთა და ხელოვანთა ასოციაცია ¬/ Ассоциация учёных, писателей и художников// Association of Scientists, Writers and Artists ¬/
ცნობისთვის_”ხატოვან აღქმათა ობსერვატორიის” დღიურებიდან /არქეოლოგიური ხედვები დრო-სივრცის ლაბირინთებში /იუმორნარევი  ესსე/

*

© გახსოვდეთ!..”საავტორო უფლება”